Mamit a i mamawh tur te
Mamit khua lakal ngai reng reng lo tan leh inkhawmpui lakal ngai lo te tan han ti deuh bik i la, Mamit khua i cham chhunqa i mamawh tur zualpui tak meuh meuh han thailan kan tum dawn a ni.
1. Mamit khua hi khawdungsei tak mai a ni a, Pandal sakana hmun hi khaw tawntirh lam deuh a ni a, Pandal atanga Counter hlaber Counter No 18 (Mangkhawngdai field) hi Km – 4 vel a ni a. Counter No 15 chin hnunglam ho tan chuan Motor a inkhawm a ngaidawn tih kha hriatlawk atha ang.
2. Mamit khua hi Luipui kar cheh a awm anih avangin Malaria a hlauhawm a, thosilen tha tawk tak i rawn keng dawn nia, tin khua a vawh tawh lem loh a vangin mutbu kha chu duham lutuk angai lo mai thei.
3. Mamit khua ah hian hmasawnna kawng chaktak in a kal mek a, chung zing ah chuan kawnglaih zau hna thawh mek a ni a, chuvang chuan hmun thenkhat chu a khu viau mai thei, thawmhnaw fai nena inkhawm duh tan chuan in hrukfaina emaw han in vuakfai thuak thuak na tur chi ken a sual lo mai thei bawk.
4. Mikhual neitam deuh chhung kua chuan inthiarna a in daih dawnloh avangin Mizo ekin kan siam chawp mek a,khawpui nula leh tlangval tan chuan hman pawh aharsa mai thei, mahse Lal Isua nen engkim a ropui kan tih thin kha.
5.Tui lama kan harsatna sutkian ni a, inthlahrun lutuk angai lovang
6. Mamit khua hi Mikhual (Palai) thleng turin kan in huam thui em em a, theihtawp kan chhuah mek a ni, tunlai ah thalai ten hmangchang kan hriat tawh em kha, thenkhat chu Conference lo kal fo tawh kan nih kha, chuvang chuan tunhma a kan lo tih dan tawh ang thin khan thlenin te chhawk zangkhai theih na tur thil ei leh bar ah emaw kan hum tel thin kha i la vawng nung reng ang u.(He thil hi chu mimal thahnem ngaihna a ni e, admin)
7.Counter 13 atanga hmar lam ah hian Airtel hi duhthusama tha niin, Pandal leh abul vel ah chuan Aircel,BSNL,Reliance athat thung avangin, i inring lawk thiam mai dawn nia.
