Conference Chanchinthar        

Ni 4.3.2010

KTP General Conference vawi 53-na chu zanin atang hian tan a ni dawn ta. Conference hmang tura palai lom kalte an thahnem thawk hle dawn niin a lang a, Reception Sub-Committee ten hmun hrang hrang atanga Conference hman tum report an dawn aia tam an rawn kal dawn niin a lang. Motor pahnih/khat rawn keng tura ngaih thenkhatte pawh motor pathum/pali vel kengin an rawn kal nual. Palai kal zat belhkhawm theih hnuhnung berah 5232 a ni a, palai kalte hi an rawn thlen reng avangin a zat kimchang belhkhawm hleihtheih a ni tawh rih lo. Reception Committee te chuan palai 12000 – 15000 lo kal turin an beisei a ni. Reception Committee phone No. 0389-2565751

 Inrinnia rorel palaite tan rorel inkhawm neihna hmun Mamit Kohhran leh Mamit Branch KTP tangkawpte chuan Bookmark a thlawnin an sem dawn a ni.

Zanin inkhawm hi palai lawm leh kum puan hawnna inkhawma hun hman a ni ang.

Inkhawm hruaitu : Rev. C. Lalsangliana, Leader, CKTP; Kum puan hawngtu : Rev. Lalzuithanga, Secy. i/c KTP; Thuchah : Rev. C. Chawngliana, Moderator, Mizoram Synod.

 

 (Kan website hi virus-in a tibuai a, min  visit tum tam takte pawhin in thei lo tih kan lo hria a, pawi kan ti hle mai. Explorer pangngaiah chuan a luh leh mai theih tawh a, Fire Fox hmangte tan a la harsa, a rang thei ang bera siam/clean turin hma lak a ni e.)

**********

 Zaipawl, ninga zana zai tur thenkhat chuan  vawin (Ni 3.3.2010) hian Mamit anlo thleng tan ta.

************
Vawiin hian Padal sak hnatlang runpui neih leh a ni a, pandal mai bakah Sub-Committee hrang hrang Office leh Office pawimawh dangte pawh felfai taka thuam a ni ta. Karleh thawhtanni atang khian Active Sound ten Sound System an rawn fit tan ang. Vawiin vek hian pandal-ah usher training leh thingpui sem dan tur velte final training an nei bawk ang.

*************

Ni 23.2.2010
 53rd KTP General Conference, 2010 Organising Committee, Mamit chuan KTP General Conference kan thlen tur hi hlawhtling taka kan hman theih nan Mamit khawpui chhunga Kohhran zawng zawnga chhungkaw tinte ni 26.2.2010 (zirtawpni) zan hi Chhungkaw Zan – tawngtai leh chhung inkhawm hun atan hman nise tiin ngenna a siam a. A hun chungchangah chuan chhungkaw tinten hemi zana an hun remchang neih ang theuhva hman mai tur a ni ang.

 

A hun : Ni 1st March, 2010 (Thawhtanzan) Dar 7:00

A hmun : Conference Pandal

Chairman : Pro. Pastor Lalhriatpuia, Organising Chairman

 

Tanna hla : ‘Aw khawngaihtu Pathianin’ (Lengkhawm hla thlukin)

 

 

Conf. Hla Bu No. 46 (KHB No. 36)

 

Report : F.L. Rinngheta, Organising Secretary

 

 

Pandal hlanna : Tawngtai rual

 

(Tawngtai rual kharna – Upa Sanghnuna, Chairman, Prayer Sub-Commt.)

Thuchah tawi : Pastor C. Lalthanzara, Organising Senior Vice Chairman

 

 

Zaipawl : 1) Mamit Pastor Bial Zaipawl

 

             2) Hmunsam Pastor Bial Zaipawl

 

 

 

 

 

         2) Lalduhawmi, Mamit

 

Banna hla : ‘A hmangaihnaa ka chawlhin’ (Lengkhawm hla thlukin)

 

 

 

Conf. Hla Bu No. 48 (KHB No. 45)

Malsawm tawngtaina : Pastor C. Lalthanzara, Organising Senior Vice Chairman

 

 NOTE :

1. Khuang pu tur leh khuang lo ngaihtuah turin Field Veng Branch KTP

2. Keyboard lo ngaihtuah turin Mamit Branch KTP

3. Keyboardist – Tv. C. Lalchhanhima, Mamit

Pu C. Lalliantluanga, Hmunsam

4. Zai hruaitu – Tv. F. Lalremkunga, Field Veng

Tv. K. Lalrinmawia, Lungsir

********

Ni 22.2.2010
March ni -7, 2010 chhunga Mamit khuain KTP General Conference a thlen tur atana inbuatsaihna chuan a vawrtawp a thleng chho mek. Pandal cheimawi leh electric zam pawh peih thawkhat a ni tawh. Mipui nawlpui ina hnatlanga thawh theih chin chu zawh thawkhat a ni tawh a, vawi hnih/khat hnatlang neih leh chuan inchul mam thei tawh tura ngaih a ni. Chhung tinte inbuatsaihna pawh a nasa hlawm hle, mikhual thlenna tur atana in zauh, in hnuai siam thar, ei leh in leh chakkhai hrang hrang lain khaw mipui an in buatsaih mup mup a, mi tam zawk chuan conference thlen hi an cho hle tawh a ni. Buhfai special dil pawh an thahnemin Supply Deptt. Office leh Godown te pawh a lun thei hle. Ni 24.2.2010 hian SSA, Mamita thawktute zawng zawng pandal-ah hian hnatlan an tum.

*****************

Ni 19.2.2010 hian Pandal sak hnatlang neih a ni a, hetah hian Mamit Welfare, Aizawl te pawh an rawn hnatlang ve a ni. Mamit Welfare, Aizawl aiawha rawn kalte zingah hian Pu R. Tlanghmingthanga, Ex-Minister pawh a rawn tel bawk.

 

***************
Ni 16.2.2010 (Thawhlehni) zan khan Receiption & Ushering Sub-Committee te hmalakna kal zelah Usher Training,Siamliana Hall-ah neih a ni. He training-ah hian Usher tura ruatte leh KTP hruaitute pawh an kal tha thawkhat hle. Trainer atan Dr. H.L. Malsawma rawih a ni a. Usher-te pawimawhna te, tihtur leh tih loh tur te leh hriattur pawimawh hrang hrangte inhrilh hriatna hun atan hman a nih bakah thingpui sem dan tur te zir ho a ni. Ni 17.2.2010 (Nilaini) hian Rorelna hmun tur, Mamit Kohhran Biak Inah leh Pandal-ah Usher-te chettlat dan tur chichiar zawka zir a ni ang. He hun pawimawh tak rawn hmapuitu Dr. H.L. Malsawma chungah Receiption & Ushering Sub-Committee ten lawmthu an sawi a ni.

*****************

Ni 15.2.2010 khan KTP General Conference vawi 53-na Mamita neih tura hmalak dan leh hna thawh tawh dante enpuiin Central KTP Committee atangin Rev. C. Lalsangliana, Leader, Pu C. Lalmalsawma, Treasurer, Upa Zothanmawia, Fin. Secretary leh Pu Zohmingliana, Committee member te rawn kalin I&PR Conference Hall-ah Organising Committee leh Sub-Committee hrang hrang aiawhte nen inkawmhona neih a ni a. Tun dinhmuna hmalak tawhnaah lawmawm thawkhat hlein an hria a. Sub-Committee hrang hrangte hmalak danah pawh lungawi thlak thawkhat hlein hriat a ni. Hetih lai hian hna thawh tur tam tak ala awm a. Mikhual lo dawnsawn dan tur chungchangah te, zu leh ruihhlo laka felfai zawka awm theih dan tur te, ei leh in, tui leh inthiarna siam chungchanga hma lak dan tur ruahmanna te,light(current) leh sound tha tak neih theih dan tura ruahmanna te leh lirthei chet vel dan tura ruahmanna te chu uluk leh chak taka kalpui zel dan turte sawiho a ni.

**Reception Sub-Committee te chuan khawmpui hmang tura lo kalte chu anmahni counter tura ruatah ngei thleng turin an ngen a. Hei hi zangkhai leh rualkhai zawnga mikhual lo dawnsawn theihna tura tih a ni.
**Security Sub-Committee te chuan mikhual rawn kalte chu ruihtheih thil leh nunchang mawi lo laka inthiarfihlim theuh turin an ngen a. Dan bawhchhia an awm chuan dan hmanga an chungah action lak a ni ang a, a tul dan azirin court case thleng pawha siamsak an nih tur thu an sawi.
**Water & Sanitation Sub-Committee te pawhin mitinin tui hnianghnar zawk kan neih theih nan Mamit Greater Water Supply chu lui danga mi lakbelhin tunah hian hna eng emaw zat zawh tawh a ni a, hna a tam tham avangin V/C hrang hrangte hnenah tanpuina ngenin V/C tinten hlawhfa an rawihpui dawn avangin lawmawm an tih thu leh hetianga mi tam zawkin hna an thawh theih chuan tui supply chungchangah harsatna a awm an rin loh thu an sawi a, tin, invawnfaina chungchangah pawh mipuuiten hma nasa takin an lak thu sawiin inthiarna pawh a tam thei ang ber pandal leh a vela siam an tum dan te an sawi bawk.
**Traffic Sub-Committee te pawhin khawpui chhunga motor chettlat dan tur an ruahman bakah Dapchhuah leh Dampui inkar kawng hi a tet avangin motor liana kalte tan harsatna a awm theih dawn avangin conference palai lo kal nia helai kawnga motor kal dan chungchangah ruahmanna lo siam tel tura tih a ni.

Tunah hian pandal hi sak zawh thawkhat tawh niin a cheimawina lam hna thawh mek a ni a. A ceiling zawng zawng hi KTP Flag rawnga chei vek tura tih a ni.

He inkawmhona hun hi Zonet Cable Network ten an rawn cover bawk a ni.

 

**********

Ni 13.2.2010 ah pandal thutthleng rem zawh ani ta, Pandal ah hian thutthleng  1401 rem niin, thuttleng pakhat ah hian mi 8 atanga 9 thuttheihna ani, thutthleng ke atan hian  Brick 14704 hman ani.Naktuk(15.2.2010 Dar 1:00Pm) hian CKTP hruaitute leh Khawmpui organising Committee te leh Sub Committe peng hrang hrang te Information Centre (I&PR) ah Comitte neiin khawmpui thlen chungchang inbuatsaihna tlir ho ani ang.

**********

Vawiin(8.2.2010) dar 11:00 ah Pandal sak mek chu,CKTP hruaitute leh Organising committee ten pandal sak mek chu thlir hovin, pandal chei dan tur leh stage dawhbelh dan turte thlirhona an nei,pandal sak mek hi ni 25.2.2010 ah chuan engkim peih fel tura ruahmanna kalpui mek niin, thutthleng rem zawh hnu hian,ceiling leh light hi; pulak Decorator silchar te chuan, 3 lakhs in a siam hna hi an thawk chhun zawm dawn bawk ani.khawmpui ah hian Active sound, Das Aero 50 hman ani ang,Synfo lamin cable TV lama pek chhuah theih turin an buaipui thung dawn ani. CKTP atanga rawnkalte hi, Upa C.Vanlalvuana Asst Secy, Pu Z.Lalhmangaiha, Pu Lalmuanawma,Pu H.Liantluanga bak ah , Synfo atangin mi 2 leh Active Sound atangin mi 2 leh LPS atangin Pu vana leh Hmingtea te an rawn kal ani,

 

Bial hrang hrang te thlenna tur Counter tlemte tihdanglam a ni a, lo in biahchiang leh mai teh u.

**********

Pandal Structure hi ni 26.1.2010 khan tun zawh tawh niin,  Pandal  sak hnatlang hi nitin thawh chhoh mek ani a, Naktuk ni 1 Feb 2010 hian Mamit khawpui chhunga Branch KTP hrang hrang te chuan hnatlangpui an nei leh dawn a, hetah hian Pandal chung hi khuh zawh hman tura ruahmanna kalpui ani.
Pandal chung khuh zawh tawh niin,pandal thutthleng rem chhoh mek zel ani.Ni 8.february 2010 hian Mamit khawpui chhunga Pastor Bial KTP memberten thutthleng rem hna hi an thawk chhun zawm dawn,thutthleng rem zawh hnu hian pandal cheimawi hna thawh chhun zawm nghal ani ang. Naktuk 8.2.2010 hian pandal sak mek hi Central KTP hruaitu te chuan ahmun ah an enpui dawn ani. Ni 8.2.2010 zan ah hian Prayer sub committee chuan pandal ah tawngtaina  hman an tum bawk.
Bial hrang hrang te thlenna counter siam ah hian bial hrang hrang te thleng vek tur ani a,Bial thenkhat inkulha thleng tur te pawh an thlenna Counter huam chhung ah vek thleng turin Reception lam chuan ruahmanna an kalpui mek.

**********

16.2.2010(zan) hian Siamliana hall ah a vawikhat nan Reception leh Usher chung chang ah Taraining pek niin,Ushering chung changa mithiam Dr H.L Malsawma Director H&Tech chuan Training hi ape a ni.

**********

 

 

Ni 17.2.2010 zingkar ah hian Organising O.B te leh Joint VC te leh SP te leh traffic sub committe ten Conference chhunga motor chetvel dan tur enin khawpui chhung fang kualin,motor dah khawmna hmun tur te pawh an siam fel nghal ang.

*********

Zanin hian Pandal hlanna inkhawm chu tluangtakin neih ani ta, khawpui chhunga kohhran hrang hrang atangin inkhawm an thahnem hle, he hun ah hian Upa P.C Thanseia (Mamit a KTP dintute zinga mi) in hunserh hmangin,Tawngtairual a pandal hi hlan niin Mamit leh Hmunsam Pastor Bial zaipawl ten hla remin he pandal hlanna inkhawm hi Mamit a Cable pahnih RVS leh LRS Vision te chuan live in an pe chhuak ani

*********

 

 

 

 

 

 

 

 

 

Solo : 1) Lalrohlui, Hmunsam

 

 

—–

53rd KTP GENERAL CONFERENCE 2010

ORGANISING COMMITTEE, MAMIT

PANDAL HLANNA INKHAWM PROGRAMME