Motor chetvel dan tur
KTP GENERAL CONFERNCE, 2010
TRAFFIC SUB-COMMITTEE
MOTOR TLAN DAN TUR LEH PARKING PLACE DUANNA.
CHHIM LAM MOTOR CHET DAN TUR :-
Light motor Vehicle : Medical Complex, Ngharpet Veng (No Vehicle Zone) leh Luangpawl Veng Inkar zawng LMV hmanga inkhawm duh te chu P.W.D atanga chhuah lam (main Road) ah tlan zelin SSA Hostel kawt ah an tawp ang. A bak an pel thei lo vang. An in Turn nghal ang a, haw lam pawh an kawng ngai ah bawk an tlan kir leh ang.
Bus Service dan tur : Luangpawl veng leh Medical Complex inkarah Bus Service tir a ni ang a, P.W.D Complex kawng chungah tlanin Damdawi In tlan kualin an tlanna ngai ah an tlan kir leh thin ang. Bus Fare hi khawi atang pawhin chuang se Rs 5/- Fixed a ni ang.
Khaw chhak leh Khaw thlang (Motor Lirthei) tlan dan tur : Khawchhak leh Khawthlang lirthei reng reng chu One Way-in Ngharpet kawng ah an tlan vek ang.
Taxi Stand leh Service dan tur : Chhim lama Taxi Service tur te chu Damdawi In Canteen Kawt phei ah an ding ang a, Bus service tlan dan ang chiah in an tlan ang.
HMAR LAM MOTOR CHET DAN TUR :-
Light motor Vehicle & Two Wheeler : Vengthar atanga Hmar lam Bethel veng a thleng LMV leh Two Wheeler zawng zawng chu Vaubekawn chhuahlam leh tlaklam Link Road ah an tlan ang a, Vehicle Stop ah an tawp ang a, Motor dang tlanna dal lovin an motor an dah ang. An tlanna ngai ah bawk an tlan kir leh thei ang.
Venghlun atanga LMV leh Two Wheeler reng reng chu Charkawn atangin Bazar Veng ah Bus Service tlan dan ang thoin an tlan ang a, No Vehicle Zone H/S Veng junction ah kualin H/S Veng leh Hmunsam inkarah kawngpui sir, a rem chang lai ah Bus tlanna ti buai lo tur in an Park ang.
Bus Service dan tur : Bethel Veng leh SSA Office No Vehicle Zone inkarah Bus Service tir a ni ang a, Bethel Veng leh Mangkhawngdai Field atangin Khawpui chhung kawngpui main road zelah tlanin SSA Office Dropping Zone ah Hmunsam lam kawngpuiah kual lehin Hmunsam Biak In bul ah pengin Upa R.Vanlalsiama In ah a chhuak leh ang a, Kawngpui pangngai zawh zelin, Mizoveng kawngpui chho zawhin Industry Road ah peng lehin Vengtharah Pu Zorimawia kawt ah chhuak leh in Kawngpui Pangngai(Main Road) zawhin an rawn tlan chhuahna lam an pan leh ang. Bus chuan man (fare) hi Bethel veng leh Dropping Zone Inkar Rs 10/- a ni ang a, Vengthar atanga Dropping Zone Rs 5/- a ni ang. He mi huam chhung a chuang reng reng chu khawi atang pawhin chuang se Rate siam ang hi an pe kim tur a ni ang.
Taxi Stand leh Service dan tur : Hmar lama Taxi Service tur te chu Pu Vanlalthawma Pachuau Kawt phei ah an ding ang a, Bus service tlan dan ang chiah in an tlan ang.
Motor Che lo tur tih reng reng Bus/ Truck/207 etc. : heng Motor che sawn lo tur chi reng reng chu Mangkhawngdai Field leh Luangpawl Field ah dah (Park) vek tur. Tul bik thil Damlo phur, Tui Chawi leh tul dang thil ah chuan Special Permit Pek chhuah a ni ang.
No Vehicle Zone In kal pawh theih hun :
Zing lamah Dar 7:00Am Thleng.
Zan lamah Dar 10:30 Pm atangin hawn a ni ang.
Road Map :
Lirthei thlan dan tur Road Map hi siam zawh a ni tawh a, he map hi a darh zau thei ang bera puan zar a nih baka khawlaiah tar chhuah a ni bawk ang.
Motor tlan dan tura ruahmanna siam hi lirthei neitu leh khalhtu zawng zawngten zawm hram turin kan in ngen a ni.
***********
Traffic Sub-Committee te hian khawpui chhunga motor chet vel dan turte uluk taka zir hma chhawp engemaw zat an siam tawh a, No Vehicle Zone turte leh Traffic Point turte pawh ruahmanna siam tawhin tunah hian uluk zawka ennawn leh turin an dah rih a ni. Khawpui chhung motor chet vel dan tur mai bakah Dapchhuah leh Dampui inkar kawng zim lai a tam avangin khawmpui palai lo kal nia helai kawnga lirthei chhuk leh chho turte tan harsatna awm loh dan tur pawh ruahmanna siam tura hmalak mek a ni.
MAMIT PANNA LAMTLUANG
Mamit hi Aizawl atang chuan 96 km vel chauh ahla niin, Sumo chuan Darkar 4 vel tlan leh Two wheeler chuan darkar 2 atanga darkar 3 vel tlan ani.Aizawl tlak lam Hunthar lam atanga kal niin, Sairang khaw lu kal tlangin, Sihhmui pal tlangin Airport panna kawng zel ani a, Airport (Lengpui ilo thlen chuan I duh leh Airport I va en zawk dawn nia) National Higway 44 A rawn zawh zelin Rawpuichhip irawn paltlang ang, tichuan Dapchhuah (Tut) khua ilo thleng ang, dapchhuah khaw pelh lawk 2kms ah W.Phaileng peng vei lam ah alo awm ang, Dinglam Highway (44A)kawng zel rawn zawh chhovin hemi peng tang hian Mamit khawpui chu 27 kms chauh ani tawh a, chho hlirin Dampui khua ilo thleng chho vang ,heta hian, I digital camera phawrh la iti sual loving, a chhan chu, Mizorama Highway in apaltlang zinga ngaw tha dai dup mai leh boruak thiang em em dawng turin inring lawk dawn nia, Dampui pelh lawk ah hian veilam ke a kal ngai ah Sanga pa thelret 1km khat vel ah ading lurh mai a, he thelret kung hian zar athlak nasa tawh hle a akung zar hliah zawng hi tin khat hmun vel chu ani ngei ang.Dampui atang hian Mamit chu ahla tawhlo, muang changing irawn pan dawn nia.Mamit khua ilo luh tan hian Luangpawl hnuai ah ilo tlan phei zel ani tih ihre dawn nia, Lungsir veng ilo lut phei anga, chumi zawh chuan Conference pandal sak na ilo thleng ani nghal mai ang.
Aizawl atanga Sumo a rawn kal I duh chuan, Zarkawt Traffic point bul ticket lak na awmin heta tang hian an chhuak a, Zing dar 6 a chhuak awmin, Dar 12, dar 12:30 Dar 1, leh dar 3 chhuak a awm hlawm ani.A chuan man chu pakhat tan Rs 150/= ani.
Vairengte lam atanga leh Kolasib lam atanga rawn kal turte tan chuan, Bilkhawtlir atangin Buhchang kawngah kal theih ani a Vairengte atang hian Hemi kawng ah hian 120kms velin Mamit athlen theih,Bilkhawtlir atanga Buhchang kawnga kalte hi kolasib thlang 0 point ah a infin leh ani. Kolasib atang chuan Bairabi kawng ah kalin Kolasib atang hian Bairabi hi 40kms chauh niin, Bairabi atang hian Mamit hi 40kms chiah ani bawk,Bairabi atang hian Mamit hi Darkar 2 vel tlan ala ni , Tlawng lui ah hian lei la dawh nilo mahse, Sumo chin chu mau pumin Rs 50/= chawiin an thiar kai mai thin ani,Mator Lian tan chuan tunlai tak hi chuan a daikaimai theih a ni. Tin,Tlawnglui pelh lawk 2kms chuang hret ah hian kawng peng thuam awmin, Ding lam hi Zamuang peng niin Veilam hi Mamit peng ani a, heta tang hian Suarhliap khua chu hla lo te niin, Suarhliap atang hian Damdiai tlanpelin, Pathiantlang(Vawngawnzo) ilo thleng ang, heta tang hian Mamit chu 16 kms vel chauh ahla, phei hlir ani.kawng erawh metal tura buatsaih mek niin tlemin akhu deuh hlek nain,Vairengte atanga Kolasib khua te tan chuan kawng ahnaih phah hle ang.ke hnih nei tan pawh kal theih vek ani, Helam atanga kalte tan chuan, Mamit khawchhung a Bethel Veng ilo thleng hmasa ber thung ang.
