CHIBAI LE
KTP General Conference2010 Mamit, Website ah ka lo lawm a che.
He website hi KTP General Conference Vawi 53-na. March ni 4-7, 2010 chhunga Mamita lo awm tur atana inbuatsaihna hrang hrang tarlan ani a, a remchang ang zelin update ani zel dawn a, Mamit-a lo kal ve theilo tan pawh an awmhmun a tanga an lo zin ve theihna tur remchang a nih kan beisei.
Kum 1985 khan Mammit-ah hian KTP General Conference hlimaw tak kan lo hmang tawh a. Kha mi tum khan Motor lian a la luh loh avangin mi tam zawk chu Dapchhuah atangin Km 26 ke in an kal nghe nghe a ni. Tunah chuan Kalkawng a lo tha ta a, Mamit in khaw tamtak anga kan harsatna thin, Tui lamah pawh kan lo ziaawm ta hle a, kum 1985 a Palaite harsa taka Mamit pana an lo kalte kha hre rengin KTP General Conference kan dawn hmasak atanga kum 25 na ah chiah KTP General Conference kan lo dawng leh thei tur hi kan lawmin kan phur hle a ni. Kum 1985-a lokalte phei kha chu lokal leh thei ngei ula kan duh hle a, kan lo duat hle dawn che u nia.
He Conference hi Mamita Pastor Bial Hnih – Mamit Bial leh Mamit Hmunsam Bial te tangkawpin kan thleng dawn a. Presbyterian kohhran mal mai nilovin Mamit khawpui chhunga Kohhran hrang hrang leh Sorkar Department hrang hrang te nen lungrual tak leh phur takin Khawpum huapin kan inbuatsaih mup mup mai ani.
Organising Committee in Sub-Committee hrang hrang a siam zinga Information&Punlicity Sub-Committee in he Website hi a buatsaih a, Internet Lamtluang zawh hleih theih loh chang a awm thin hi pawi kan ti a, chutiang chu a lo awm a nih pawhin kan hrethiam mai a ni ang chu.
He KTP General Conference hi Zoram pum thalai tan Thlarau lam malsawmna anih nge kan beisei a, Pathian ropuina kan hmuh theuh theih nan he Website pawh hi Pathian ropui nan kan hlan a ni.
Upa H. Darhmingliana
Chairman Info&Publicity Sub-Committee
E-mail: dara_hmar@yahoo.com
10:17 pm on March 4th, 2010
Pu Dara,
Chairman, Info & Pub Sub committee.
Hetiang website siamna chang inhria hi inva ti tha ve a,hei ringawt pawh hi conference thlengtu nih hlawkna chikhat chu a ni ta hrim hrim mai. Mizoram a ka awm lai chu ni se ka lokal ve ngei ka ring a,Upa kaphranga In-ah ka thlen ngei pawh ka beisei. Mahse pandal vel a khuk hle ka ring a, engtinnge vaivut in control tih hriat a chakawm hle. Rev.Hmingmawia (pensioner) a lo thleng thla em? E khai, helam (USA) chu an thalai te hi an KTP lo lutuk a, tunlai chuan “American Idol” tih vel a ni mai an buaipui chu. Kan “hul” huk mai.
11:32 am on March 6th, 2010
Kan website i lo thlir a, kan lawm e. Kan hre reng a che u. Kan rawn update zel a, il thlir zel dawn nia. Conf hmain lokal a, nakzawl a kal a, a haw chho leh tawh. Rev. zaidarhzauva a lokal a, Pastor K.Piangthara leader thar a ni dawn bawk a, Pastor leh pp lo awm tawhte kan hre reng che u. in ngaihawm hle mai.
5:52 am on March 7th, 2010
Hei synfo. lamin video te an rawn upload bawk a, kan lo thlir nasa mai. A hmuna kal ang deuh thaw kan ni e. Hetianga hlim taka a huhova Pathian fak theihna society hi khawvelah an tam lo ang, society tha ber phei chu kan ni lo ang a, “nuam ber te zing a mi” erawh a ni awm e “a tel ve” tan chuan. Hlim taka Pathian kan fak theih chhung hi chuan rilru hah leh buaina(depression) avangin kan la thi har deuh dawn a nih hi.