Kan Website chu siamthat a ni ta e.
Ni 5.3.2010 (11:00 Am)
Vawiin hian chawhma lamah Report Inkhawm neih a niin hetah hian Central KTP Gen. Secretary hnen atangin KTP chanchin report leh Finance Report ngaihthlak a ni. Chawhnu lamah Variety Programme-a hun hman a ni ang.
Conference Palai kal hriat theih chinah mi 12000 vel an ni tawh a. Hetih lai hian thlengtute inbuatsaihna ang an la pha lo nasa hle a. hmun tam takah mikhual la nei mumal lo tam tak an awm a, tukin zing khan veng thenkhatah chuan mikhual la nei mumal lote hnenah hriatthiam dilna tlangau an au tir hial a ni. Mikhual duh ang thlen tur nei lote vuivaina thawi dam turin Reception Committee te an buai hle.
KTP Chanchin Tlangpui
Bial awm zat – 149 (Mizoram pawn) – 8 Total – 157
Branch awm zat – 736 (Mizoram pawn) – 47) Total – 783
Member zat
Mipa – 74727 (Mizoram pawn – 957) Total – 75684
Hmeichhia – 44965 (Mizoram pawn- 766) Total – 45731
Member total – 119692 (Mizoram pawn-1723) – G. Total – 121415
Kum 2009 chhung hian “Rorelna dik” tih kum puan a tan hman a ni a, kum 2011 chhung hian ‘Member hlate hnuhhnaih” tih hman a ni ang.
Kristian Thalai chanchinbu hi chawhrualin copies 20589 thla tin chhuah ang a ni.
Member berna bial – Electric Veng Bial, Aizawl – 2892
Member tlem berna bial – Buarpui bial – 47
Branch tam berna bial – Bungtlang ‘S’ Bial – 11
Branch tlem berna Bial – Biate – 2
Branch member tamberna – Ramhlun ‘N’ 1245
Aizawl pawna branch member tam berna – Champhai Vengthlang Branch – 750
Branch member tlem berna – Sobricherra – 1
Bial leh Branch te Missionary chawm zat belhkhawm – 1018.5
Sum hmuh zat – Budget Rs. 2370669, Hmuh zat – Rs. 2467183
***************
5:04 pm on March 5th, 2010
Rawngbawlpui duh takte u,
Kumin KTP Inkhawmpui ropui tak Mamit a neih chu website te siamin, keini lo tel ve phak lo te pawhin nitin in website atangin chanchin kan lo hre thei dawn a, a lawmawm hle mai. Hei vawiin tlaiah Shillong atangin ka lo thlir ve che u a, tunlai media tangkai taka in hmang te hi lawmawm ka ti a. Thalaite hian kan ram leh hnam, Lalpa min pek hi a duh anga kan kal theih nan mawh kan phur a ni tih hre reng ula ka duh a. Inkhawmpui hlawhtling tak in neih ngei theih nan nitin kan lo tawngtaisak reng a che u. Synod Choir CD lo ngaihthlak a chak awm hle mai. Hlim takin inkhawmpui hmang ula ka duhsak em em che u a ni tih ka han thawn e.